തിരുവനന്തപുരം: എയര് ഇന്ത്യ അന്താരാഷ്ട്ര സര്വീസുകളിലെ ഫസ്റ്റ്, എക്സിക്യൂട്ടീവ് ക്ലാസുകളിലേക്കുള്ള ടിക്കറ്റ് നിരക്കില് മാര്ച്ച് എട്ട് മുതല് 13 വരെ കുറവ് വരുത്തി. ഈ കാലത്ത് എടുക്കുന്ന ടിക്കറ്റുകളില് മാര്ച്ച് 15 നും ജൂണ് 30 നും ഇടയില് യാത്ര നടത്തിയാലേ ആനുകൂല്യം കിട്ടു. യു.എസ്, കനഡ, യു.കെ, യൂറോപ്പ്, ടോക്കിയോ, ജിദ്ദ, റിയാദ് എന്നിവിടങ്ങളിലേക്ക് ഫസ്റ്റ് ക്ലാസില് 50 ശതമാനം ഇളവ് നല്കും. എക്സിക്യൂട്ടീവ് ക്ലാസുകളില് ഈ സ്ഥലങ്ങള്ക്ക് പുറമെ ഹോങ്കോങ്, ഷെന്ഹായ്, സിങ്കപ്പൂര്, ദുബൈ, ദമാം എന്നിവിടങ്ങളിലേക്കും 40 ശതമാനം ഇളവ് നല്കും. വിപണിയിലെ ഏറ്റവും ഉയര്ന്ന നിരക്കിലായിരിക്കും കുറവ്.
